رواية عهد الاسود الفصل السابع عشر 17 الجزء الثاني بقلم زهرة الربيع
#عهد_الأسود_الجزء_الثاني_17
تلاقيكي كنتي مظبطه علشان يقربلك وتتجوزو برائتك دي ممكن تمشي مع الكل إلا انا
هنا وعد جابتها من شعرها وفقدت اعصابها جدا كانت موقعاها على الارض وهاجمه عليها وبتضربها بكل قوتها وبتقول..اعتذررررري اهتذري بقولللللك
هنا دخلت شوق وعهد وبقم يحاولو يبعدوها عنها.. وتاره كانت مش قادره تبعدها بقت في حالة انفعال غريبه
دخل غالب واتصدم بالمنظر عمره ماشافها كده جري بسرعه سحبها من وسطها بسهوله طبعا وبعد بيها وهيه بتبص لتاره بغضب وبتزعق وتقول..هقتلك يا تاره لو قولتي كده تاني هقتلك انا اصلا مبقتش طايقه وفلتت من بين ادين غالب وهجمت عليها تاني وهيه بتصرخ وبتقول..بقولك اعتذري انطقهيها يلاااااا
تاره كانت بتبكي جامد وقالت وهيه بتشهق..اسفه..اسفه خلاااص
غالب كان بيبصلها بزهول وجري عليها تاني وشدها تاني بعد بيها لاخر الاوضه وتاره حضنت امها وبقت تبكي
عهد قالت باستغراب ..فيه ايه يا وعد من امتى بتتصرفي كده يا بنتي
وعد كانت بتبص لتاره بغضب رهيب وليالي قالت ..بصراحه يا جماعه تاره غلطت معاها وقالتلها كلام ميصحش خالص
شوق بصت لتاره بغضب ومسكتها من ايدها وقالت امشي معايا عيزاكي
ليالي جريت وراها
وعهد شافت الانسب تسيب غالب ووعد سوا مسكت ايد روز وقالت..تعالي نشوفها شوق مجنونه احسن تضربها ...روز استغربت بس مشيت معاها
وعد لسه بتلتفت هتقفل الباب اصتدمت بغالب وهو سندها من وسطها بقت بين اديه واتلاقت عيونهم
وعد اتصدمت بوجودو رغم انو شدها مرتين واتكلم كمان لكن مكانتش حاسه بحاجه من كتر الإنفعال... دفعتو بكل قوتها وقالت بحده..انت بتعمل ايه هنا يا و،سخ انت كمان
عند اسد كان بيبصلهم بصدمه وقال.. اسامه انطق اسد مين الي له اخ
اسامه قال بسرعه ..ده.. ده اسد غلبان لقيتو معدي جمب القصر وبعدين طلع له اخ ورجعتهولو متقلقش نفسك انت
اسد بصله بعدم تصديق وكتف اديه وبقى يبصلهم بضيق..وضرغام اتنهد على كلام اسامه الي مش منطقي خالص وقال...اسد ..احم...اسد كنا بنتكلم عن جبران الغول ...ابن عمك...هو..هو احنا من فتره كده عرفنا ان صفوان مش بيخلف وان الولد ده ابن النعمان ..يعني هو..هو اخوك
بقلم...زهرة الربيع
اسد بصلهم بزهول وقال..اخويا..ههه..طب انتو مخبين عني ليه يعني مفهمتش
ضرغام قال ..احم..انا الي كنت مخبي خوفت لما تعرف انو اخوك تتكلم معاه ..والولد ده زي ابوه وبيكرهنا اوي وانت عارف اني بخاف على علاقتنا ازاي
اسد اتنهد وقال..شوف يا ضرغام..انا لو طلعلي 10اخوات طالما ابوهم هو الراجل الي اسمو النعمان ده فمش هيفرق معايا انا بطلت اعتبره ابويا من وقت ما عرفت انو قتل امي واي حد من دمه بكره ومش هيأثر فيا مهما قال عنكم..ولاحد منهم يقدر يخلينا نخسر بعض
ضرغام ابتسم بسعاده لما قال كده بس اسد ملامحو اتغيرت وقال بغضب ..بس فيه بقى الي مننا هنا وهيخسرنا بعض قريب ..ابنك الحيو،ان ده وقف قدامي واتحداني انو مش هيسيب البنت في حالها انا هجوزهالو..بس الجوازه دي هتبقى على ضمانتك انت يا ضرغام..واقسم بالله لو ما اطلقت وقت ما انا احدد لاخربها يا ضرغام وحتى انت مش هعملك حساب وصلت
قال كده ولسه هيخرج بص لاسامه بحده وقال..وانت لاخر خلي ابنك بعيد عن روز البنت مخطوبه واخلصنا ..مش هفضل حارسهم انا بقى بقت عيشه تقرف قال كده وخرج وسابهم واقفين بزهول اسامه قال باستغراب..والله محاسن طلع ملوش عزيز
ضرغام اتنهد بغضب وقال..لا ليه ..بس هو ابن الك،لب الي اسمو غالب مش جايبها لبر ..وهيخسرني البيت كلو انا عارف ..وانت كمان كان لازم تقول اخو اسد
اسامه قال ..وانا اعرف منين انو هيسيب كل الكلام ويدخل في الجمله دي ..عامل زي العيل الرخم الي بيكون نايم وسايب امو تتزوق عشر ساعات ويحلالو يصحى اول ما الجيم يبتدي
ضرغام ضحك وقال...انت مفيش فايده فيك
اسامه قال ...يلا اهو كلو خير عرف واخلصنا
ضرغام قال... لا هو تقريبا معرفش حاجه..هو فاكره زي ما احنا كنا فاكرين انو ابن النعمان من ست تانيه..بس احنا حاليا شاكين انو ابن اختنا..تفتكر لو هو ابن راقيه فعلا ليه النعمان هيخبيه
اسامه قال..واضحه وضوح الشمس..انت وقت ما اتولد الطفل ده كنت شاكك في النعمان واتكلمت معاه كتير وتلاقيه حس انو هيتكشف..وطبعا مش هيعرف ياخد اسد مننا فيبقى معاه الولد ده يربيه واهو يضغط بيه على راقيه..لانو كان فاكر انها هتمضيلو ومش هيقتلها
ضرغام قال..وارد والله ..بس لو كده كان ساومها عليه ومضطرش يقتلها...على العموم انا هحاول اتأكد اذا ابنها ولا لا هحاول اعرف اذا كانت الست الي اتجوزها النعمان دي خلفت اولا
عند جبران دخل الشاليه بعد ما كلم غالب ولقى حنين بتتفرج على التلفزيون قعد جمبها واتنهد وقال..بتسمعي ايه
حنين قالت بدموع ...ده فيلم حلو قوي اسمو ساعه ونص
بصلها باستغراب وقال..طب مدام حلو بتعيطي ليه
حنين قالت ببكا وهيه بتمسح انفها زي الاطفال...اصل...اصل ياجبران الفيلم حزين اوي اوي
مسك ايدها بعصبيه وطلع مناديل وادهالها وقال وهو بيضغط على اسنانو ..فيه مناديل بيستخدموها امسكي جاتك القرف
حنين مسكت المناديل وبقت تستخدمها وترمي على الارض بفوضويه وجبران كان بيبصلها بدهشه وقال..مدام الفيلم مزعلك كده بتسمعيه ليه
حنين قالت ببكا..اصل..اصل احنا الستات كده بنبقى مكبوتين اوي ومابنصدق نلاقي حاجه نفرغ فيها الي في قلبنا
قرب منها ومسك خصله من شعرها بقى يلفها على صباعو وقال بمشاكسه...فيه حاجات كتيييير الواحده ممكن تفرغ فيها كبتها..غير الدراما..و حاجات حلوه اوي كمان
حنين سحبت شعرها منو وبصتلو بحده وقالت..زي ايه
جبران بعد تاني ورجع مكانو لما بصتلو كده وقال...زي مثلا اني ممكن ارقعك على وش الي خلفوكي دلوقتي اوقعلك صف سنانك واهو تلاقي سبب تبكي عليه وتفرغي كبتك ياختي لان ده فيلم تمثيل يا هبله
حنين قالت ببكا... مانا عارفه انو تمثيل ياجبران اسكت بقى لان كل دول دلوقتي هيموتو كلهم ياجبران
بصلها بزهول وقال..لهو انتي كمان سمعاه قبل كده
قالت ببكا..اه سمعتو ٦ مرات وكل مره اعيط كده
جبران قال بسخريه ...حقك..مهو كمان كتير انك تسمعيه ست مرات وكل مره يموتو برضو حاجه تقهر..ومسك الريموت قفلو وقال بغضب..لو لقيتك بتسمعي الفيلم ده تاتي او اي حاجه دراما عموما هكسر التلفويون على دماغك ..كفايه يا اختي الحزن الي احنا فيه ده احنا محتاجين حد يبكي علينا ليل نهار
حنين ضحكت بخفه لما قال كده لانها لقتو حزين فعلا قالت بابتسامه..انت زعلان ليه كل حاجه هتتحل
قال بضيق..كل حاجه كانت هتتحل لو متدخلتيش يا حنين..كان هيرجع ويطلعني زي العاده..دلوقتي انا مش عارف امتى هيلاقينا واكيد غضبو هيبقى اكبر...وكلو كوم وخوفي عليكي كوم تاني..انا طول عمري قلبي قوي لان همي على نفسي وبس..انما دلوقتي بقيتي في حمايتي و انا لاول مره احتار
حنين ابتسمت وقالت..مفيش حاجه تحير الي هيرسي عليك انا معاك فيه...متقلقش عليا ..انا مطمنه معاك
بصلها باستغراب شديد وقال بسخريه..انتي اول واحده تطمن معايا
قالت بابتسامه ..انا مليش دعوه بغيري انا بتكلم عني..من وقت ما عرفتك وانت بتحميني..اول حاجه لما كنت هتاخد اختي وانا كنت هموت من الخوف وقتها سبتها علشاني اي نعم اخدتني بدالها بس مأذتنيش..ولما الحارس بتاعك اتهجم عليا حمتني بتليفون منك ولما كنتو هتبيعوني للي اسمو ابو نواف ده برده انت مرضتش وحمتني منو رغم ان مشاكلك مع ابوك دي كلها بسببي لكن فضلت في ضهري انت انسان كويس اوي
ابتسم بحزن وقال..انتي طيبه قوي يا حنين كل المشاكل الي حكيتيها دي انا الي وقعتك فيها من الأول ..على العموم الي حصل حصل..دلوقتي طريقنا واحد ومجبرين نكملو ولسه هيمشي قالت بسرعه..مين الراجل ده يا جبران انا سمعتكو بتتكلمو وقلت انو مش ابوك وان ابوك اتقتل و
مسكها من درعها بعنف وبصلها بطريقه ترعب وقال..سمعتي ايه بالظبط
في القصر شوق كانت بتزعق لتاره وبتقول..مالك ومالها مش كفايه الي هيه فيه... وقربت منها وقالت بغضب..اسمعي يابنت اسامه لازم تعرفي ان الجدع ده مبيحبش غير وعد ومش عايز غيرها شليه من دماغك بدل ما أقورها انا زي الكوسه واشلهولك بمعرفتي سامعه
تاره كانت بتبكي وليالي قالت بحزن..خلاص ياماما كفايه عليها كده وانبي
شوق قالت بغضب..كفايه ازاي وهيه وصلت البنت لحالة تخليها تضربها بالشكل ده
ليالي قالت بحزن.. خلاص هيه عرفت غلطها
شوق بصتلها بغضب وقالت..عقبال ما تعرفي غلطك انتي كمان يا اختي وتروحي تشقي على جوزك نص ساعه حتى في اليوم هتطلقي يا موكوسه..ياربي عيال ايه دي..كلكم دماغكو زي ابوكم كلكم
دخل اسامه وقال بروقان زي العاده...مستكتره عليا يورثو دماغي ماهما وارثين جمالك وشقاوتك وجنانك وانا ساكت
شوق نفخت بغيظ منو وقالت...هزر هزر تمام...بنتك الحلوه الصغيره دي متخانقه مع وعد وخلتها شلفطتها والحلوه التانيه دي متخانقه مع جوزها من امبارح وهتطلق وتقعدلك وابنك الحيله ضايق اسد تاني وضربو تاني وانا طهقت وهطفش ومش هتعرفولي طريق جره اهم عيالك واتصرف بقى دي عيشه تقصر العمر
قالت كده بمنتهى الغضب ومشيت وسابتو واقف مصدوم من الي اتقال وظهر الغضب على ملامحو وقال بغضب..بت ياليالي انتي صحيح هتطلقي يا بت
ليالي قالت بدموع..مش عارفه الظاهر كده يا بابا
قال بايتسامه..تعالي لحضن ابوكي يا حببتي.. امك دي بومه اصلا مهي فيه اخبار حلوه اهيه
عند روز راحت ورا نديم ولقتو قاعد بيلعب بتليفونو بغضب في اوضتو دخلت وقفلت الباب بسرعه
بقلم..زهرة الربيع
نديم وقف وقال بحزن..بلاش تجيبي لنفسك مشاكل مع ابوكي اخرجي يا روز
روز قربت منه بسرعه وحضنتو وباستو من خده الي اسد ضربو عليه وقالت بدموع..حقك على قلبي يا قلبي انا ...سامحني يا نديم..انت اتبهدلت قوي من ورايا
نديم حضنها بقوه وقال..متزعليش نفسك ..انا تمام والله بس..بس ابوكي عايز يحدد خطوبتك..عايز يعملها مع فرح اختك..انا مش هستحمل كده..سامحيني مش هقدر اسكت..مش هقدر مش بايدي..مستحيل اسيبو يمسك ايدك ويلبسك دبلتو لا..لا مش هقدر ابدا
بعدت عن حضنو وقالت بدموع..ولا انا هقدر البس دبلة غيرك..وكمان مقدرش اكون مرتبطه بواحد واكون مع غيره انا هحلها متقلقش..بس انا عيزاك تسيبلي فرصه اكلمو انا وان شاء الله هكلمو قبل الفرح
عند غالب وعد بقت تزقو وبتقول بغضب..اطلع بره..اطلع مش عايزه المح خلقتك..اطلع غور يلا
غالب كان عايز يضحك على عصبيتها واول ما وصل عند الباب ضربو برجلو قفلو وشدها عليه بقوه وبص لعيونها جامد وقال..طلعتي وارثه من جنات بابا وانا معرفش اول مره اشوفك متعصبه كده
بقت تدفعو بكل قوتها بس كان متمكن منها وقال بدموع..تقدري تعيطي في حضني مش هتلاقي مكان يحتويكي قدو صدقيني اتخلق علشانك يا وعد
بصتلو بدموع وقالت بغضب...انا مشوفتش احقر منك..سيبني..سيبني هعمل اكبر ذمب في حياتي وهقتلك باديا يا غالب ابعد
غالب ابتسم وسابها وقال بابتسامه...ماشي ياقلب غالب..انا هعمل كل الي تطلبيه..انتي تؤمري قلبي أمر
بصتلو باستحقار وقالت...الأمر لصاحب الأمر اللي انت متعرفش عنو حاجه ...بس انا بقى...عرفاه وبثق في رحمته ومتأكده ان هيجي يوم وياخدلي حقي منك..انا سكت انهارده علشان ابويا ...علشان مينزلش راسو قدام حد...لكن وحياة كسرة نفسو وراسو الي نزلها قدامي ما هعديهالك يا غالب..وبكره تعرف معنى كلامي
غالب نزلت دمعه من عيونه وقال...اوعي تدعي عليا يا وعد ارجوكي
قالت بدموع وحسره...للاسف بدعيلك يا غالب..ربنا يكفيك شر نفسك الي مفيش اسؤ منها
غالب كانت دموعه مش عارف يحوشها من نظراتها سابها وفتح الباب ولسه هيمشي جات روز وهيه بتجري بسعاده وقالت ...وعد وعد الحقي ماما جات يا وعد
وعد بصتلها بزهول وقالت ...ايه
تحت كان الجميع متفاجأ برجوع نتالي الي كانت المفروض هتنزل بعد ايام
شوق وعهد بقم يسلمو عليها ويحضنوها والاولاد سلمو عليها وضرغام وكل الي كانو تحت
اما اسد فكان واقف في الزاويه والدموع في عيونه ومش عارف هيقولها ايه بالنسبه لوعد..امانتها الي سابتها معاه
نتالي قربت منو بدموع ومدت ايدها ووووووو
